Դեսպանության երկրորդ քարտուղար Անի Երեմյանը մասնակցել է Ջավահարլալ Նեհրուի անվան համալսարանում կայացած միջազգային գիտաժողովի կլոր-սեղան քննարկմանը

29 հուլիսի, 2026

Հուլիսի 29-ին դեսպանության երկրորդ քարտուղար Անի Երեմյանը մասնակցել է Ջավահարլալ Նեհրուի անվան համալսարանի միջազգային ուսումնասիրությունների ֆակուլտետում կազմակերպված «Եվրասիական քաղաքակրթությունները խաչմերուկներում» խորագրով գիտաժողովի շրջանակներում անցկացված «Ժամանակակից Եվրասիա. տեսլականներ, մարտահրավերներ և հեռանկարներ» թեմայով կլոր սեղան-քննարկմանը՝ ներկայացնելով Հայաստանի մոտեցումները տարածաշրջանային խաղաղության և կապակցվածության համագործակցության վերաբերյալ։

Ներկայացվել են նաև Հայաստանի տնտեսական զարգացման միտումները, բարենպաստ ներդրումային միջավայրը և բարձր տեխնոլոգիաների ոլորտում առկա ներուժը։

Վերջին տարիներին Հայաստանի կողմից մի շարք ոլորտներում որդեգրած դիվերսիֆիկացիայի քաղաքականության համատեքստում անդրադարձ է կատարվել նաև Հայաստան-Հնդկաստան դինամիկ զարգացող բազմոլորտ փոխգործակցությանը, որը շարունակում է ամրապնդվել նաև մշակութային ոլորտում։

Ընդգծվել է, որ պատմականորեն գտնվելով Արևելքն ու Արևմուտքը, ինչպես նաև Հյուսիսն ու Հարավը կապող խաչմերուկում՝ Հայաստանը պատրաստ է շարունակել նպաստելու տարբեր տարածաշրջանների և քաղաքակրթությունների միջև փոխըմբռնման, վստահության և համագործակցության ամրապնդմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր